misocool (已結業)

今日依然复活节假谂极呢头D野食都食得七七八八，突然谂起呢度未试过，趁住公假食晏少D人一于试下。我自己叫左个地狱猪软骨啜啜面，太太点左海鲜冷拉面，另叫左个辣汁烧广岛蚝。佢讲0既啜啜面其实系蒟蒻面，我个人想试下系因为我钟意食d好咬感0既野。然而啜啜面呢一part 就唔算系令我太满意，相比之下红薯粉就更加有咬感喇 ! 另外，虽然话系'地狱' 但系其实都唔算系好辣，唔食得太辣0既都可以一试，不过汤底未算好有惊喜。此外个人认为猪软骨0既份量都算ok 0既，不过个面0既份量就唔算太多。个海鲜冷拉面喺热天食真系好唔错，因为够晒透心凉。唯一有小小问题就系佢d料d份量都比较少...好似有dd悭皮啰 - 前后就系两只虾，一块切开左0既北寄背同埋三条笋... OL 0既话应该会够0既~ 至于个辣汁广东蚝个人认为都几好食，有少少芝士得黎又唔会好滞，另外个辣汁都唔算辣，纯粹吊味。个蚝都冇阵'宿'味 - 所以我个人认为个蚝都算食得过。埋单夹埋160-170 (唔系好记得EXACTLY 几钱)，唔可以话好抵但如果食开好平常0既拉面食得多0既话都可以试下呢度。