影片
更多
2011-09-28
106 浏览
订左枱一行15人星期六晚饭，去到首先张枱唔够坐，要加多张方枱系隔离，负责人仲叫我地坐过啲，费事阵间同后面背贴背….. 烧猪颈肉：腌得入味，酱汁亦惹味。泰式凤爪：配料多过爪，但味道可以。布吉岛炒面：其实即系海鲜炒油面，浓鼓油炒几好。沙甸鱼炒椰菜苗：颇特别，难得椰菜苗炒得软硬适中，而且酱汁香浓，值得推荐。冬荫公汤：足料！酸、辣、香俱备，爱冬荫公的一定要试！泰式拼盆：春卷好大条，好多粉丝；荷叶包鸡及鱼饼ok；虾饼无味，肉质松散，完全唔弹牙！明炉乌头：个汤底系唔辣嘅冬荫公，条鱼都有十二三两，既然冬荫公唔错，呢个都值得推介。肉碎生菜包：有猪同鸡，两款都有叫，但系肉碎炒唔开，味道一般。唯独生菜几新鲜。虾酱炒饭：虾酱唔系太重手，但油份稍多。肉碎粉丝汤：原始泰国风~ 胡椒粉同味精汤底。咖哩蟹：正宗泰式咖哩系甜中带辣，用蛋酱同椰奶令个汁浓身。本来上菜时，咖哩系够味嘅，咁我唔知个厨系自创呀定系鸡蛋贵，用左粉丝碎代替大部份嘅蛋……唉！未食到一半个咖哩巳经俾粉丝出嘅水沟稀哂，如果你有兴趣食呢度个咖哩蟹，咁阁下真系要同啲粉丝斗快！生虾剌身：一客六只，要左两客，真系精心制作，等左个半钟先嚟，搞左咁耐，啲虾个卖相一
烧猪颈肉：腌得入味，酱汁亦惹味。
泰式凤爪：配料多过爪，但味道可以。
布吉岛炒面：其实即系海鲜炒油面，浓鼓油炒几好。
沙甸鱼炒椰菜苗：颇特别，难得椰菜苗炒得软硬适中，而且酱汁香浓，值得推荐。
冬荫公汤：足料！酸、辣、香俱备，爱冬荫公的一定要试！
泰式拼盆：春卷好大条，好多粉丝；荷叶包鸡及鱼饼ok；虾饼无味，肉质松散，完全唔弹牙！
明炉乌头：个汤底系唔辣嘅冬荫公，条鱼都有十二三两，既然冬荫公唔错，呢个都值得推介。
肉碎生菜包：有猪同鸡，两款都有叫，但系肉碎炒唔开，味道一般。唯独生菜几新鲜。
虾酱炒饭：虾酱唔系太重手，但油份稍多。
肉碎粉丝汤：原始泰国风~ 胡椒粉同味精汤底。
咖哩蟹：正宗泰式咖哩系甜中带辣，用蛋酱同椰奶令个汁浓身。本来上菜时，咖哩系够味嘅，咁我唔知个厨系自创呀定系鸡蛋贵，用左粉丝碎代替大部份嘅蛋……唉！未食到一半个咖哩巳经俾粉丝出嘅水沟稀哂，如果你有兴趣食呢度个咖哩蟹，咁阁下真系要同啲粉丝斗快！
生虾剌身：一客六只，要左两客，真系精心制作，等左个半钟先嚟，搞左咁耐，啲虾个卖相一般新鲜，原来系剥完壳之后雪返一轮，但啲虾无味，只有上面辣汁嘅味，不过等咁耐先俾客，有啲担心衞生@.@
价钱：餐牌完全无价钱，连饮品都唔写$，仲要自己出去攞！问亲佢都话唔贵唔贵，不过埋单十五人食左二千六百几，果两碟生虾刺身居然贵过咖哩蟹（$220）要成三百五十蚊！
服务：唔好有太大期望，连饮品都要自己出去攞，成枱都系碟个阿姐又唔收，仲问新嚟啲嘢放系边？我忍唔住同佢讲：「放系边唔系你谂咩？你执左啲碟咪有位放啰~」不过佢就咁放系啲旧碟上面。唉…
张贴