大阪李朝園 (已結業)

公司有样好处就系弹性食晏时间，今日我2点半先出去揾嘢食，可以就到tea time，人冇咁多，价钱又平啲～临别铜锣湾，继续努力试多啲唔同铺头，今日拣咗呢间听落个名似系韩国口味食店。。。因为系tea time，店内得我一枱客，啲职员倾紧闲计，全普通话交流，我有啲怀疑自己番咗大陆。。。小妹钟意食乌冬，点咗佢哋嘅猪骨汤乌冬下午茶餐，$48加一有主食，一份小食同嘢饮，价钱都算可以接受啦。。。等咗约十多分钟，我嘅乌冬就到喇，有2块豚肉，有啲泡菜同芽菜，仲有半双烚蛋。。。汤底应该系味精汤，豚肉唔鞋口可以接受，啲泡菜应该系为咗衬番韩式食店而加入，同个乌冬唔系好夹噉。。。个天妇罗一份有3只虾，配有沙律酱，新鲜热辣，小妹好喜欢食虾，有3只确实大满足！呢一餐味道so far so good，价钱搭够，如果系平时嘅lunch time我就唔会考虑嚟食喇！