冬蔭NOODLE (已結業)

今晚早点收工食饭去睇戏,所以简戏院附近的餐厅食,这间新开一排都未试过,今次点都来试下!餐厅装修以粉红色为主,粉红梳化和粉红霓虹灯,充满著少女风,虽然餐厅唔算大,但没有挤迫的感觉,坐得都算舒服!餐牌有前后2页,主要食粉面,有河粉,米粉,泰式粉皮,金边粉手打乌冬和全蛋面!还有饭,小食,沙律,饮品等选择!<牛船河汤底+肉类配料> 汤河内的配料有鲜牛肉,牛腩,牛丸,猪肉丸,鱼蛋和鸡蛋,由于汤底味道非常浓郁,所以配料全部都十分入味,不过食耐左就觉得有点咸!<泰式猪脾饭> 猪脾肉比想像中少,好多都系肥膏,比较肥腻,但内质软稔唔算韧,因为酱汁淋得唔多,食饭时变得有点干争争!<手打虾饼> 虾饼热呼呼出哂烟,唔算好油,炸得好干身,食起来弹牙有口感,加埋甜酸酱一齐食非常好味!整体来讲,环境不错,但食物就不过不失,试下都可以!