影片
更多
2013-09-21
304 浏览
中秋夜唔想煮，食开个几间茶餐厅又早收铺，又唔去酒楼被迫食ABC套餐。突然想起不如试下熟食中心，因同一张枱系日间同夜间都可以由唔同既店舖经营。试过日间几间都觉得麻麻地，今次就试下晚市。上完自动电梯，就见到一阵油烟雾，真有冲动想缩沙走人，但人都到左就试一次。行到转角位有两个店员不断向我地拉客，其中一个亚叔讲左句「试下啦! 食过唔好食，下次咩唔帮亲啰!」就因为亚叔呢一句，我地就坐低左兼叫左五个𩠌： 口水鸡半只$70 - 只鸡好肥，啲鸡皮肥到系一定要走皮，但啲鸡肉好滑，鸡胸一啲都唔鞋。啲酱汁都够惹味，唔太辣，但就少左麻辣嘅麻味。本人对麻辣嘅麻一向唔like, 所以正合心意😄。下次要试霸王鸡，横掂都系淋个汁上去唧。咸鱼茸煎肉饼$52 - 肉饼煎得好香口，咬落去好juicy 咸鱼份量刚好不会太咸，攞黎𩠌饭一流。下次一定encore! 姜汁炒介兰$35，椒盐九肚鱼 $45，府乳通菜$35 - 一般货仔，但咁嘅价钱可以话值八十分。本来想整枝朝日啤饮下，但无货。叫左三个白饭，一罐汽水，埋单唔洗$240。原来白饭系免费😋，有惊喜!顺带一句，员工用膳都几丰富，有蒸扇贝，原条海班，灼中虾，清炒白菜。
上完自动电梯，就见到一阵油烟雾，真有冲动想缩沙走人，但人都到左就试一次。行到转角位有两个店员不断向我地拉客，其中一个亚叔讲左句「试下啦! 食过唔好食，下次咩唔帮亲啰!」就因为亚叔呢一句，我地就坐低左兼叫左五个𩠌：
口水鸡半只$70 - 只鸡好肥，啲鸡皮肥到系一定要走皮，但啲鸡肉好滑，鸡胸一啲都唔鞋。啲酱汁都够惹味，唔太辣，但就少左麻辣嘅麻味。本人对麻辣嘅麻一向唔like, 所以正合心意😄。下次要试霸王鸡，横掂都系淋个汁上去唧。
咸鱼茸煎肉饼$52 - 肉饼煎得好香口，咬落去好juicy 咸鱼份量刚好不会太咸，攞黎𩠌饭一流。下次一定encore!
姜汁炒介兰$35，椒盐九肚鱼 $45，府乳通菜$35 - 一般货仔，但咁嘅价钱可以话值八十分。
本来想整枝朝日啤饮下，但无货。叫左三个白饭，一罐汽水，埋单唔洗$240。原来白饭系免费😋，有惊喜!
顺带一句，员工用膳都几丰富，有蒸扇贝，原条海班，灼中虾，清炒白菜。
张贴
