澳門台山水佬榮火鍋專家 (已結業)

今次闻见此店有出名航母海鲜火㶽，而且朋友试过，所以亲临一试，当然仲有那个牛星拱照啦。一上枱当然要照一张相啦，食材仲会动的，新鲜混酱，有侍应介绍的黄辣椒，不过小弟唔食辣，所以无食。部分食材是另上的。牛星拱照是上面的牛仔肉粒，牛舌心和手切肥牛，三 款都有牛味，而且唔韧，值得一试。主菜熟了，选了水佬荣辣汁汤底（走辣），食材新鲜已经十分好食，汤底特别，唔大食的相信唔加料都够饱。我们仲叫了竹蔗水，可惜唔够冻。今次一试满意，服务员有同客人交流，海鲜同牛肉新鲜，今次5人，价钱约四百元，食海鲜同牛是合理价，环境唔错，航母设计是值得一睇。不过竹蔗水唔够冻，食完后有口渴感，同因为怕走蟹而要用胶绳绑蟹来煮，当然仲有所有的贝类同螺类会连壳熟而担心清洁问题，都是要改善的地方。