韓流村 (已結業)

是日为个靓妈庆生, 因为佢想试下酱蟹, 就响openrice揾到呢间嘢, 上网book定枱订定蟹, 一行6人嚟到试试嚟到已经set好枱有啲韩式小碟先嚟试试个酱蟹每set有2只, size中等, 食落几新鲜, 不过酱油味略为重了一点点, 但咁样食就唔会觉得有腥味, 第一次食的话都会接受到, 一试无妨~另外就点咗啲韩烧大路嘢: 猪牛鸡味道唔错, 但如此份量, 闲闲哋都百几二百蚊一份, 价钱就确实乸利咗啲啰.  另外炉边的蛋汁, 好快就会变咗做烧玉子, 开首店员冇讲系乜, 我哋仲以为系汤嚟呢...另外仲点咗个芝士牛肋肉, 唔错㖞, 伴碟啲萝卜&牛肋肉虽然大大旧, 但煮得够林, 年糕好烟靱, 个汁辣辣哋几惹味, 不过个芝士就略为靱咗啲, 食咗冇耐就做唔到'拉cheese'的效果, 变咗一大'pat'.饮品选择都好多, 不过大部份都系酒类, 而且都几贵, 但如果like佢哋个fb就会送汽水, 唔饮酒的都有著数~最值得一赞系呢度啲员工, 年青人个个都好有heart, 靓妈嚟庆生, 佢哋会成班一齐起晒音乐咁同佢say happy birthday, 气氛一流 (仲唔收切饼费添~)