穌棧 (已結業)

有间泰菜令我念念不忘，印象中真系好好食！但系今次再去，好似同记忆中嘅味道有出入，但都好食嘅，只系「泰菜不似预期」🍴香烧猪颈肉 $78 🌟🌟🌟🌟唔知大家有冇喺泰国食过猪颈肉？小编就觉得好干好柴啦，而稣栈嘅猪颈肉更迎合香港人口味，肉质弹牙绵密，锁汁度颇高。猪颈肉腌得入味，香料随猪肉带入齿颊，算系是日最佳。🍴泰式香叶肉碎煎蛋炒饭 $82🌟🌟🌟🌟呢个肉碎蛋饭味道浓重！好辣好过瘾！当然系针对啲食得辣嘅朋友，佢嘅辣度并唔系咁老少咸宜。小编认为味道过重，但系只辣又不失开胃，好容易一啖又一啖不知不觉间食晒。🍴咖哩炒软壳蟹 $178 🌟🌟🌟呢个恕小编俾唔到公平嘅评价，因为一直对咖喱软壳蟹麻麻地，所以食落去觉得味道平平。叫咗唔会后悔，但系下次唔会再叫。值得称赞系软壳蟹份量十足，有两只巴掌大嘅软壳蟹！🍴芒果糯米饭-细 $58 🌟🌟正常芒果糯米饭唔会出差错，但系偏偏糯米饭煮得唔够熟，有啲夹生，有啲失望呢！