SAYAM Thai/Bar (已結業)

近排天气唔系咁好, 成日落雨又湿又冻, 唔知点解好想饮热辣辣嘅汤收工嘅时候禁下禁下手机, 突然见到Sayam嘅椰汁鸡汤好似好吸引, 急call喺铜锣湾做嘢嘅朋友一齐试<椰汁鸡汤>奶白色嘅椰汁鸡汤超级超级超级好饮椰汁非常香浓虽然里面嘅料唔系好多, 但鸡肉粒好嫩, 味道酸酸咸咸, 好有特色<冬荫功汤>冬荫功汤都唔差, 但相较之下, 椰汁鸡汤更胜一筹冬荫功汤味道酸酸辣辣, 非常惹味, 里面嘅大虾、蘑菇同蕃茄都好多, 但汤底相对冇咁浓厚<小食拼盘>朋友系个小食怪, 所以我哋就嗌咗份咩都有啲嘅小食拼盘小食拼盘包含青芒果沙律、鱿鱼须、虾饼、鸡翼、鸡卷同春卷, 非常丰富基本上每一枱都嗌一份青芒果沙律又酸又辣, 爽脆开胃鱿鱼须唔系好够热, 大食妹觉得普普通通虾饼都弹牙鸡翼调味唔错, 但骨更容易食用鸡卷几特别, 比较少见春卷亦都唔错, 外皮脆卜卜<干炒海鲜粗粉皮>干炒海鲜粗粉皮真系有啲干争争, 海鲜算系多元化, 味道亦唔错, 加番啲湿度会更好