風雲丸

营业中

休息中

拉面店嘅位置非常近K11，好容易揾到。一去到门口已经见到有一班人喺度排紧队，本来对呢餐饭都好期待。心谂咁多人排队应该冇死啦。点知道入到去系灾难嘅开始。首先食客坐位位置非常迫夹。一张八人枱分咗比四台食客坐，中间系冇任何分枱都。其次佢哋嘅员工根本就搞唔清楚边张枱系边一张枱居然有攞错QR code嘅情况出现。然后揾到错嘅𠮶张枱，居然系想叫客人离开。最后有部份嘅店员系根本就唔识得讲广东话，要我用普通话同佢交流。食物质素只能够讲普普通通，我选择咗：石烧浓厚鸡叉烧鱼介味玉沾面。整体汤味浓郁，汤底更加有大量嘅黑椒喺度调味。唯一美中不足系我将啲面倒落去三份一𠮶阵时个汤已经冻咗一半。叉烧唔系猪肉，而系鸡肉最外围仲有一圈鸡皮。我自己习惯去咗鸡皮先至食。识到鸡肉非常嫩滑，算系厨师诚意之作。荀太厚、太长，如果短少少加薄少少嘅话会更加爽。食之前我将柠檬汁淋咗落去鸡叉烧，跟住再将剩余嘅柠檬淋落去汤度。因为个汤底比较浓郁，所以我都唔系好食得出清新嘅感觉。整体嚟讲，我觉得服务质素需要加强。汤底可以淡返少少，因为系加咗水都有种咸嘅感觉。