四姐川菜

营业中

休息中

之前去过铜锣湾百乐中心，知道入面有好多特别餐厅，但点都估唔到原来呢个地方竟然有我最中意食既川菜，餐厅入面个装修当然非常中式，虽然地方唔大，但环境都好静同埋坐得好舒服，有别于其后他既中式茶楼。招牌四川凉面上网睇原来呢个四川凉面系招牌菜黎，一场黎到紧系要试一试喇，估唔到原来份量都几大碟，轻轻将佢捞混已经令到每条面都挂既汁，面头有好多辣子，以为佢会好辣，但其实都接受得到，非常开胃。四川担担面由于我地都唔知原来个四川凉面咁大份，所以想叫多个面，不过错有错著，无想过原来呢个担担面都有惊喜，唔系一般餐厅既担担面咁多汤，反而少少汁其实已经好够味，而且重有浓浓既花生味。酸菜鱼卖相非常吸引，酸菜份量多，好开胃，最重要系鱼肉非常厚身同埋好滑，基本上唔需要用太多辣椒去调味，用鱼熬出黎既汤系特别鲜甜，加上酸菜既酸，已经令到成件事好出色，另外个汤入面亦都加上粉丝垫底，非常够饱。红烧牛肉牛肉份量多，而且肉质非常淋，牛肉味道亦都好重，加上莴笋一齐整，绝对无话边样食物个味抢d，大家都色香味俱全，如果配饭会更加惹味！