影片
更多
2019-08-10
33 浏览
📍Coedo Taproom (铜锣湾)📍铜锣湾Fashion Walk食街百德新街50-56号地下C铺-----Coedo其实系一间日本啤酒酿造商嘅名 香港人如果唔系对啤酒有好多认识 未必一定听过 但系其实呢间啤酒商曾经系World Beer cup得过奖 系世界各地好多地方都有一定知名度 而呢间餐厅就系由Coedo所开嘅海外串烧酒吧概念店 前几日同朋友呢开铜锣湾睇戏 就顺便黎试下～-✹COEDO Shiro 白（$62-small size）第一次黎当然要试下佢地嘅招牌日本直送手工啤 因为未饮过 我地只系叫左一杯黎浅尝 系6款精酿手工啤入面「6款手工啤包括系COEDO Marihana(毬花)、COEDO Ruri (瑠璃)、COEDO Shiro(白)、 COEDO Kyara (伽罗)、COEDO Beniaka (红赤)同埋COEDO Shikkoku (漆黑)」我地最后拣左酒精浓度第二低嘅COEDO Shiro(白) 啤酒🍺颜色非常通透 啤酒泡质感绵密 无多余空气 饮落非常顺喉 小麦香味浓 且味道清甜 毫无苦涩感 好后悔叫左small size🧐-✹黑糖烧日本番薯（$38)
📍Coedo Taproom (铜锣湾)
📍铜锣湾Fashion Walk食街百德新街50-56号地下C铺
-----
Coedo其实系一间日本啤酒酿造商嘅名 香港人如果唔系对啤酒有好多认识 未必一定听过 但系其实呢间啤酒商曾经系World Beer cup得过奖 系世界各地好多地方都有一定知名度 而呢间餐厅就系由Coedo所开嘅海外串烧酒吧概念店 前几日同朋友呢开铜锣湾睇戏 就顺便黎试下～
-
✹COEDO Shiro 白（$62-small size）第一次黎当然要试下佢地嘅招牌日本直送手工啤 因为未饮过 我地只系叫左一杯黎浅尝 系6款精酿手工啤入面「6款手工啤包括系COEDO Marihana(毬花)、COEDO Ruri (瑠璃)、COEDO Shiro(白)、 COEDO Kyara (伽罗)、COEDO Beniaka (红赤)同埋COEDO Shikkoku (漆黑)」我地最后拣左酒精浓度第二低嘅COEDO Shiro(白) 啤酒🍺颜色非常通透 啤酒泡质感绵密 无多余空气 饮落非常顺喉 小麦香味浓 且味道清甜 毫无苦涩感 好后悔叫左small size🧐
-
✹黑糖烧日本番薯（$38)呢度嘅串烧 并唔系普通串烧 系加入左手工啤黎烧制 而我地食呢款烧番薯就系加入左伽罗同瑠璃 系手工啤加持底下 黑糖味道更显特色 配合烧得香软嘅番薯食 一个字 正😍
-
✹鸡肾 （$38)加入瑠璃手工啤烧制 惹味 弹牙爽脆 配酒一流🤤
-
✹猪腩肉芦笋卷 （$43）肥美嘅猪腩肉包住爽脆嘅芦笋 再加上有伽罗啤同毬花啤嘅香气帮助提味 每一啖入口都好味到令人忘记肥胖😂
-
✹生姜烧汁炒野菜 （$65）较为浓味 个人觉得 入面D野菌比野菜更出色😆
-
✹广岛蚝什菇鸡粥 （$98）广岛蚝鲜美大只 粥里面有红椒黄椒等等 食落有啲似日式嘅潮州蚝仔粥 好fusion菜嘅感觉
-
✹鳗鱼梳乎厘饭 （$108) *只限平日供应* 唔知点解餐牌写住剩系得平日供应 对周末先嚟到嘅人黎讲有啲可惜 因为呢一款真系好特别 上枱嘅时候同平时食嘅甜品梳乎厘系一样样嘅 点睇都唔似一个鳗鱼饭 貌相好有惊喜 表面嘅梳乎厘代替左平时滑蛋鳗鱼饭嘅滑蛋部份 而鳗鱼饭就系梳乎厘嘅下层 每一啖食落去都非常幼滑 用梳乎厘代替滑蛋 感觉更为轻盈 食完毫无饱腻感（觉得唔够味嘅话可以加埋佢哋自家制嘅酱汁）😄
—
👶🏻B仔整体评价：8.1/10个👍🏻
👶🏻B仔抵食程度：7.5/10个👍🏻
👶🏻B仔环境评分：8/10个👍🏻
👶🏻B仔味道评分：8.5/10个👍🏻
👶🏻B仔回头机会：8.5/10个👍🏻
-----
#swallowhongkong
☺️快D跟住B仔一齐吞食香港啦！🤤
#swallowcwb
张贴
