天山小館 (已結業)

喺天后附近番工，唔需要担心无好嘢食。天山小馆系我同同事好钟意去嘅聚脚地，地方算几宽敞，重点系食物有特色，系新疆菜，岩哂重口味嘅我哋！午市最常食嘅系米线，爱食羊肉嘅同事每次必定会叫「招牌羊肉」，佢哋赞到不得了。吾食羊嘅我都有好多选择㗎，其中一个至爱系「猪颈肉配沙爹汤底BB辣」，非常开胃，辣味又岩岩好^^有时会叫小菜一齐食，「新疆烤羊排」一上枱已经闻到好香，同事话肉质烤得好松化，吾会太腻又保留到羊香味！我就好欣赏「大盘鸡」，手工面即叫即拉， 口感Q弹，加上有好多薯仔粒𠻹！提提大家，大盘鸡制作需时，最好一坐底就落单喇！份量都几大份，如果一个人去食又想试手工面，可以选择其实一碗上嘅！好岩香港人口味嘅新疆菜一试难忘！