Achacha Food & Beverage Boutique (已結業)

原来Crepes法式煎薄饼系咁好味，前几日放工去九龙湾megabox行街，响L5楼层中庭位置旁边既一间“Achacha food and beverage”， 佢哋主打系食法式煎薄饼，真系一试难忘。餐厅有set dinner同散叫，我哋点咗一个套餐加单点crepes， 头盘有四款选择 有沙律、餐汤、意式云吞配芝士同埋薄切烟三文鱼， 每个 set dinner 可点两个前菜，另加一个加多$15。首先店员会送上法式面包，烤过嘅法式面包加埋牛油，外脆内软，配合埋餐汤一流。 而餐汤系忌廉南瓜汤， 南瓜汤充满南瓜嘅甜味，味道非常浓郁，忌廉够creamy，饮完都忍唔住要再加多个汤。另一个前菜系意大利云吞配芝士， 正方形薄薄嘅云吞配芝士味道非常夹，作为前菜非常好食。主菜点左油封鸭腿配法式薄饼，大大只鸭腿封干配果酱，味道非常好，法式薄饼非常香脆好味，第一次食，简直食过返寻味，另外伴碟仲有紫薯蓉，亦都系非常出色。另外单点左Crepes Achacha，薄切烟三文鱼做馅，加埋其他配料，夹喺法式薄饼中间，变得外面脆，里面有烟三文鱼香味。餐饮系自家制水果茶，水果茶唔太甜，充满不同种类既果肉，清甜好味。