鹵家

营业中

休息中

系ig见过唔少人推介呢间铺头，今日终于有机会黎试下。今晚六点几黎到唔驶等位就入得，店铺唔大，当晚所见的食客大部分都系一家大细黎食，主要做街坊生意。一场黎到一定要试下佢地最出名的蜜汁叉烧，一上枱就比佢吸引住，色泽好靓，仲有少少㶶边，而且叉烧的肥瘦比例岩岩好，食落好淋身，配饭食一流唯一要挑剔既系蜜汁少左啲，甜味唔够。跟餐仲有碗无味精的住家老火汤，当晚的汤系老黄瓜赤小豆扁豆猪骨汤，碗汤落足料，仲可以解下烧味的油腻。另外我地仲叫左份例牌烧鸭，望落个皮烧得几靓，不过食落就唔够香同唔够脆，而且偏咸，相比起叉烧就失色不少。最后仲叫左碟冷盘，话梅凉瓜真系第一次食，凉瓜片好脆，但我觉得话梅味太重，无哂苦味，抢走左凉瓜本身的味道。