影片
更多
2010-06-05
48 浏览
端午节快到, 眼见各大酒楼饼店, 纷纷推出各式各样嘅稯, 但肥师奶对呢d都不感兴趣, 因为每年端午节, 我只会食一种稯, 就系曾记嘅潮州稯因为父母都系潮州人, 自小已经习惯食潮州稯, 试过其他稯, 但始终都觉得潮州稯最好味!潮州稯嘅糯米唔似其它稯嘅糯米白雪雪, 可能系用酱油捞过, 所以已经够味, 唔洗点豉油, 反而自小阿妈教点白砂糖馅料有冬菇, 栗子, 虾米, 肥猪肉, 豆沙无错...一只咸嘅稯里面有旧甜嘅豆沙!同亲未食过潮州稯嘅人讲到呢个配搭, 大家嘅第一反应都系...皱眉但试过之后, 所有人都会爱上呢个一试难忘嘅味道唔知点解, 虽然又咸又甜, 但味道就系出奇的搭, 反而令一只咸嘅稯无咁寡往年都系母亲大人负责买稯, 但碍于佢老人家行动不便, 今年本来话唔买但问我个广东老公, 佢居然话想食潮州稯, 仲要预4只俾佢就连去年第一次尝试潮州稯嘅王经理, 都话要住4只先, 可能下个礼拜再要加单(注: "一试难忘"就系套用王经理嘅食潮州稯后感)但要提提大家, 曾记嘅稯系要预订! 可以预先打电话去订定几时攞, 因为佢地d订单都多到做唔切, 唔好谂住去到即场有得卖! 越接近端午节正日, 佢地就越忙,
因为父母都系潮州人, 自小已经习惯食潮州稯, 试过其他稯, 但始终都觉得潮州稯最好味!
潮州稯嘅糯米唔似其它稯嘅糯米白雪雪, 可能系用酱油捞过, 所以已经够味, 唔洗点豉油, 反而自小阿妈教点白砂糖
馅料有冬菇, 栗子, 虾米, 肥猪肉, 豆沙无错...一只咸嘅稯里面有旧甜嘅豆沙!
同亲未食过潮州稯嘅人讲到呢个配搭, 大家嘅第一反应都系...皱眉
但试过之后, 所有人都会爱上呢个一试难忘嘅味道
唔知点解, 虽然又咸又甜, 但味道就系出奇的搭, 反而令一只咸嘅稯无咁寡
往年都系母亲大人负责买稯, 但碍于佢老人家行动不便, 今年本来话唔买
但问我个广东老公, 佢居然话想食潮州稯, 仲要预4只俾佢
就连去年第一次尝试潮州稯嘅王经理, 都话要住4只先, 可能下个礼拜再要加单
(注: "一试难忘"就系套用王经理嘅食潮州稯后感)
但要提提大家, 曾记嘅稯系要预订! 可以预先打电话去订定几时攞, 因为佢地d订单都多到做唔切, 唔好谂住去到即场有得卖! 越接近端午节正日, 佢地就越忙, 好多时全部炉头都要腾出o黎蒸稯, 所有其他食物一概唔供应, 你话几夸
总之, 未食过潮州稯嘅, 真系绝对值得一试! 好味道之余, 价钱超级抵食, 只系$25一只!
张贴
