影片
更多
2019-07-09
2007 浏览
铁板烧我就食过几次，感觉一般般。今晚朋友book左位食饭，话食铁板烧。佢话之前有朋友生日包过场一班人食，好好味，所以今晚就去食多次😂个门口做得好靓，好有日本feel，朋友极力介绍，我都信朋友既，觉得应该同我朋友讲既一样，会好食。😄我明点解会有人包场一班人食饭，因为入面大约有十几个位，算阔落，生日包场或公司包场食饭，一班人热闹咁饮饮食食，个场地岩岩好大细👍🏻👍🏻如果好似我咁去食，记得book 位先，因为佢地话系要预备食材😊朋友book 左个2人餐，佢话一定够食，重会食吾晒Tim，我心谂咁坚，但都半信半疑😆前菜有沙律，无错，又系沙律。睇过我平时啲食评既朋友都知，本人系沙律控😂😂佢个沙律好好味，特别系面头果两片绿色野，劲爽口同清新。店员主动介绍果两片系莲花既茎部，我第一次食，口感好特别，正呀，加埋啲好味既沙律酱，食完开胃左好多😍跟住就开餐啦，厨师会全程同我地有讲有笑，介绍食物及食法。先黎一个黑松露鱼子蒸蛋，厨师向我地面前丮铁板蒸出黎，热辣辣，而且佢控制火候控制得好好，啲蛋一啲都吾老，非常滑👍🏻👍🏻好好味。鱼子佢地都自制过，食落去甜甜地，配得得好好味😍之后厨师已经密锣紧鼓准备紧另一道菜，就系炸
个门口做得好靓，好有日本feel，朋友极力介绍，我都信朋友既，觉得应该同我朋友讲既一样，会好食。😄
我明点解会有人包场一班人食饭，因为入面大约有十几个位，算阔落，生日包场或公司包场食饭，一班人热闹咁饮饮食食，个场地岩岩好大细👍🏻👍🏻
如果好似我咁去食，记得book 位先，因为佢地话系要预备食材😊
朋友book 左个2人餐，佢话一定够食，重会食吾晒Tim，我心谂咁坚，但都半信半疑😆
前菜有沙律，无错，又系沙律。睇过我平时啲食评既朋友都知，本人系沙律控😂😂
佢个沙律好好味，特别系面头果两片绿色野，劲爽口同清新。店员主动介绍果两片系莲花既茎部，我第一次食，口感好特别，正呀，加埋啲好味既沙律酱，食完开胃左好多😍
跟住就开餐啦，厨师会全程同我地有讲有笑，介绍食物及食法。先黎一个黑松露鱼子蒸蛋，厨师向我地面前丮铁板蒸出黎，热辣辣，而且佢控制火候控制得好好，啲蛋一啲都吾老，非常滑👍🏻👍🏻好好味。鱼子佢地都自制过，食落去甜甜地，配得得好好味😍
之后厨师已经密锣紧鼓准备紧另一道菜，就系炸真鲷鱼。本身呢只鲷鱼可以用黎做刺身，但厨师用另一个煮法，效果出乎意料咁好味。厨师先将无打鳞既鲷鱼放入油炸，佢只系会炸鱼皮部份，炸完之后，会将鱼肉慢慢蒸熟。仲会配上厨师特制嘅海胆南瓜忌廉汁，卖相已经相当吸引。👍🏻👍🏻
鱼皮及鱼鳞已经炸到脆口，好似食紧鱼味薯片一样，好好味，鱼肉配上特制酱汁更加鲜味😍
枱上既茶，每一次我饮完，就马上有铺员帮我Refill，服务真系好到不得了，服务质素指数⭐️⭐️⭐️⭐️⭐️，太好了。
跟住一路同厨师倾，一路见佢煮紧煎带子。只带子好厚好大只，煎好后，重向上件加上烟肉火腿 同埋自制既柚子胡椒。要先食烟肉火腿果一半带子先，因为味道无咁浓，再食柚子胡椒果一半带子。个胡椒好好味，吾太辣，将带子既甜味提升左，好好味，真系一试难忘，第一次食咁鲜甜既带子。
跟住厨师攞左两只新鲜既鲍鱼出黎，仲识郁㗎，劲新鲜，佢地选用北海道虾尔鲍，肉质比较鲜甜。厨师将鲍鱼煎好后切到一件件，再用鲍鱼既胆煮个汁，令鲍鱼更加鲜味。重配有绿茶冷面做伴碟，本身冷面入口已经好浓绿茶味，加入埋鲍鱼胆汁，好好味，真系好难形容果个味道😂👍🏻
以为已经尾声，因为有少少饱，但原来更好味既野而家先出现。厨师突然攞只龙虾出黎，系活生生既龙虾🦞。厨先向我地面前即时煎煮只龙虾，重要即时将肉同龙虾壳分离，劲👍🏻👍🏻 龙虾头入面既膏会用黎痕火返个龙虾汁，又系会将鲜味提升，一试难忘。龙虾头之后重会攞去放汤，最后饮返😋😋
跟住有鹅肝多士，厨师怕太油腻，所以夹有苹果酱同埋菠萝冰，等我地食完件鹅肝多士无咁油。件鹅肝好厚，好邪恶呀，劲好味🥰🥰
食左咁多浓味既食物，厨师即场整一个沙糖多士，清清口腔内的浓味，准备食其他野，无错，重有其他野，真系估佢吾到😀
个多士好好味，沙糖溶左黏住多士，多士煎到香脆，口质外脆内软，甜甜地，食吾停口🤪🤪
最后就系炒饭，由于太饱既关系，我地叫厨师吾驶炒咁多饭。蛋炒饭加埋5成熟既肥牛，又要肥几磅了，太好味。龙虾头汤都整好，因为系将头加入去预先煲好左既鱼汤，浓浓既鱼味加埋龙虾既鲜味，好饮到不得之了👍🏻👍🏻
成餐饭都好好味，令我有一次好好既回忆，大家如果想食咁好味既食物，记得book 位去试下👍🏻
推介指数爆灯⭐️⭐️⭐️⭐️⭐️
张贴
