大利清湯腩 (已結業)

呢个apps其实有啲难用，呢一篇野我系第二次写先成功。第一次写完之后加相再发送系乜嘢都冇储存到。有啲嬲嬲地谂住放弃唔写，但如果唔系想写我都唔会download佢。所以试埋今次如果都系唔得就真系会放弃。。。入返正题，系大概下午茶嘅时间去揾嘢食，其实附近有好多野可以选择，但本身自己好钟意食牛，所以就去咗食呢一间啦。落完单无耐个姐姐就即刻俾咗碗汤我，个饭同埋个牛腩都好快就到左。（不过系逐样逐样上😂）个牛腩好好味，啲牛腩汁都好好味。仲有啲菜系个底度，个菜索晒啲牛腩汁所以真系好好味。啲牛腩汁我基本上我捞饭捞晒，剩低啲汁其实我都饮埋🙈 个饭其实食唔晒，太大碟啦。早知叫佢小饭唔好浪费。食完之后先见到有张纸贴左系墙到，啲汤系好野来，唔好嘥。咁我都饮左几啖，但系始终都唔够牛腩汁好味😂个汤饮得出系有少少药材味。睇得出系一间用心做嘅店👍