Cucina

疫情下无得堂食晚餐，当然要趁住午餐好好善待自己，拣间靓啲嘅餐厅好好享受。我最钟意呢度可以欣赏无敌维港海景，而且以酒店午餐黎讲，价钱又相宜。香煎鸭肝煎得非常香嫩，冻肶配布莉欧面包加上红莓，口感清新唔会漏，侍应建议搭配德国甜酒解腻，想不到效果非常出色。龙虾汤creamy 但略嫌咸咗少少，入面有龙虾肉，非常弹牙。招牌的精选红虾意大利面，手工面条烟韧，每条面都沾上浓郁嘅蕃茄酱及虾膏，食落非常开胃，记得一定要啜埋个虾头，非常鲜甜！扒西冷伴香蒜蓉及黑椒汁，西冷肉味同口感都唔错，生熟程度建议medium rare，肉扒会更嫩。甜品方面，加钱选了期间限定的白松露雪糕，闻落去嘅香味已经足够令我享受，雪糕本身已经充满阵阵白松露香，加上颇多的白松露片，味道真的一试难忘！环境舒适，餐饮服务优良，侍应非常细心，整体食物不错，值得一试。