Zappy (已結業)

呢餐晚餐食得好满足，系味道上嘅满足，朋友都话呢间西餐好好味😄而且叫咗个主菜可以加几十蚊就有个套餐，真系唔错架！加上餐厅嘅环境都几有格调，黄色嘅灯光，加上室内嘅环境有种温暖嘅感觉，令人似置身于屋企用餐咁。今次前菜叫咗个海老虾春卷，卖相吸引之处在于佢唔似一般春卷咁粗，而系幼身啲嘅，睇落去比较精致，食落去味道亦是我同朋友大赞的，因为好酥脆，虾嘅鲜美都好出，配埋佢个酱就更加有层次感，令人食完一条就想食第二条，真系值得叫嘅一道前菜！叫咗两个主菜，第一个系柠檬大蒜烧三文鱼，一上菜已经闻到烧三文鱼嘅香味，而且卖相都系好靓，因为三文鱼上有两片特色嘅柠檬片同碟上嘅摆设都系好有心思的，三文鱼嘅熟成程度刚刚好，肉质不会硬，旁边嘅薯泥都绝不失色，咸咸地口感有点滑，十分好味。第二道道系海胆酱牛油果蟹肉意大利面，每食一口味道都好丰富，牛油果蟹肉嘅鲜甜味，海胆酱嘅咸鲜味，面质都好有咬劲，每食一口都同朋友讲真系好好味😋😋😋同埋都要赞一赞餐厅嘅厕所系独立间而且几整洁。