影片
更多
2020-02-05
20 浏览
从「舌尖上的中国2」重点推介嘅重庆火锅店，知道《渝味晓宇》非常有名，系重庆老火锅五十强。今晚跟几位嗜麻辣嘅好友试下有几强先。我哋叫左鸳鸯锅—皮蛋香菜拼麻辣大红锅。听侍应哥哥讲述，红汤系经辣椒、花椒、牛油、豆瓣、老姜熬制㗎，系麻辣火锅底里面嘅精华所在，我哋拣左普通辣，性质较温和，好适合香港人口味。呢间重庆火锅店好有特色，唔同港式火锅店，只有麻油、生蒜蓉、葱花等调味料，可能想食客品尝到最正宗香浓嘅麻辣风味。我好钟意香蒜麻油嘅香味，当食材点上麻油之后，质感更香滑，食到浓郁嘅麻辣味之外，以及火锅配料嘅真正鲜味。入座时侍应会每人先送一碗冰糖雪耳糖水，系食店嘅传统。其实老板真系好贴心，因为麻辣会刺激肠胃，先用冰糖雪耳糖水滋润一番，再食麻辣，咁样就能大大减低左麻辣对肠胃嘅刺激，呢个真系值得赞赏。火锅配料方面十分多元化，大部份也设全份或半份选择，好有弹性。 重点推介当然系稻田毛肚、鸭血、鲜黄喉、鲜鹅肠、大刀猪腰片、耗儿鱼、晓宇苕粉、现炸豆皮、重庆炸酥肉等等。我本身好想好想食嘅毛肚，好无奈地⋯已经售罄了，只好留待下次再试！以下想重点介绍一下我最中意嘅几项配料：现炸豆皮其实有D似炸响铃，炸豆皮比响铃更薄更
我哋叫左鸳鸯锅—皮蛋香菜拼麻辣大红锅。听侍应哥哥讲述，红汤系经辣椒、花椒、牛油、豆瓣、老姜熬制㗎，系麻辣火锅底里面嘅精华所在，我哋拣左普通辣，性质较温和，好适合香港人口味。
呢间重庆火锅店好有特色，唔同港式火锅店，只有麻油、生蒜蓉、葱花等调味料，
可能想食客品尝到最正宗香浓嘅麻辣风味。我好钟意香蒜麻油嘅香味，当食材点上麻油之后，质感更香滑，食到浓郁嘅麻辣味之外，以及火锅配料嘅真正鲜味。
入座时侍应会每人先送一碗冰糖雪耳糖水，系食店嘅传统。其实老板真系好贴心，因为麻辣会刺激肠胃，先用冰糖雪耳糖水滋润一番，再食麻辣，咁样就能大大减低左麻辣对肠胃嘅刺激，呢个真系值得赞赏。
火锅配料方面十分多元化，大部份也设全份或半份选择，好有弹性。 重点推介当然系稻田毛肚、鸭血、鲜黄喉、鲜鹅肠、大刀猪腰片、耗儿鱼、晓宇苕粉、现炸豆皮、重庆炸酥肉等等。我本身好想好想食嘅毛肚，好无奈地⋯已经售罄了，只好留待下次再试！
以下想重点介绍一下我最中意嘅几项配料：
现炸豆皮
其实有D似炸响铃，炸豆皮比响铃更薄更脆。即叫即炸，上枱时仲热辣辣㗎！豆皮薄身香脆，浸入麻辣汤内涮一分钟就可以食。夹著麻辣香，简直齿颊留香。
鲜鹅肠
鹅肠带小量油脂，切得好薄，洗得好干净，记得唔好涮多过15秒，微微卷曲就食得。入口滑溜，咬落爽口弹牙。鹅肠份量都多，质素非常好，一定要试呀。
鲜龙趸片
每片都好厚，肉质雪白嫩滑，又唔多骨，口感鲜甜弹牙。浸落皮蛋香菜汤好正，食到个鲜味。
晓宇苕粉
似平时我哋食开嘅红薯粉，食落去烟韧弹牙，晶莹通透，又唔容易断和散，最重要吸汤一流，连同麻辣汤慢慢入口，香辣刺激，千祈唔好错过，必吃！
另外，我哋点左自家制嘅洛神花茶，饮落好似酸梅汤，解辣又解腻，因为酸酸地嘅关系，愈饮愈开胃。
总括而言，「渝味晓宇」自制嘅大红汤醇香，令人一试难忘。以后食麻辣，唔一定要北上喇，香港都食到重庆嘅水准啦！
张贴
