影片
更多
2012-05-05
662 浏览
餐厅有现场乐队演奏, 面向无敌维港夜景, 环境气氛一流, 楼底超高, 座位阔落, 同其他台隔得好远, 唔会听到隔离台倾偈, 客人质素好高, 好斯文, 唔会抢食, 好有秩序咁排队攞野食, Buffet 台分布得好好, 唔会推埋一齐, 攞野食攞得好舒服, 最啱情侣拍拖或者几个女仔边食边倾偈.食物整体水准好高, 款式多, 大部份都系顶级货, 样样都好吸引, 只系欠缺左日式食品, 其他都一应俱全. 冷盘选择劲多, 大量唔同种类既沙律, 好新鲜, 款款都咁好食, 我好钟意食Pate, 好少自助餐有 Pate, 配Parma Ham既蜜瓜好甜, 大虾芒果cocktail既芒果超甜, 总之所有头盘都好有水准. 龙虾好大只, 虾头劲多膏, 好甘香, 但系龙虾肉就唔算鲜甜. D蚬虽然细细只, 但系好鲜甜, 好厚肉, 花蟹好大只, 肉质鲜甜, 仲有好多膏, 又有即煮青口, 海鲜质素劲高.通常自助餐D热盘都系一般, 但系呢度既热盘都系超晒班. 超惊喜大大片厚厚的法国鹅肝任食, 配煮过既青苹果食一流. Rib烧得好靓, 一D都唔干. Buffet好少有炆牛面颊, 好腍, 好香. 咖喱系侧边行过都闻到好香, 食
食物整体水准好高, 款式多, 大部份都系顶级货, 样样都好吸引, 只系欠缺左日式食品, 其他都一应俱全.
冷盘选择劲多, 大量唔同种类既沙律, 好新鲜, 款款都咁好食, 我好钟意食Pate, 好少自助餐有 Pate, 配Parma Ham既蜜瓜好甜, 大虾芒果cocktail既芒果超甜, 总之所有头盘都好有水准.
龙虾好大只, 虾头劲多膏, 好甘香, 但系龙虾肉就唔算鲜甜. D蚬虽然细细只, 但系好鲜甜, 好厚肉, 花蟹好大只, 肉质鲜甜, 仲有好多膏, 又有即煮青口, 海鲜质素劲高.
通常自助餐D热盘都系一般, 但系呢度既热盘都系超晒班. 超惊喜大大片厚厚的法国鹅肝任食, 配煮过既青苹果食一流. Rib烧得好靓, 一D都唔干. Buffet好少有炆牛面颊, 好腍, 好香. 咖喱系侧边行过都闻到好香, 食埋更加不得了, 每种咖喱既味道都好突出, 唔同材料配唔同种类既咖喱, 配搭得宜. 但烧鱼就干左D.
甜品劲多, 卖相好靓, 样样都好好食, 食到唔停得口. 唔记得系六款定七款雪糕, 全部home-made, 见到个样已经知好掂, 因为肚皮位置有限, 只系试左我最爱既椰子雪芭, 椰子味香浓到不得了, 好想再encore, 好食过澳门洪馨椰子雪糕. 食过呢度既home-made雪糕之后, 一般自助餐既雪糕已经满足唔倒我, 好surprise竟然仲有好多款雪糕蛋糕, 净系食雪糕都已经值回票价. Apple Crumble食果阵虽然冻左, 但系个crumble面都仲好脆, 如果新鲜焗完出黎即刻食肯定超好味.
侍应收碟速度奇快, D杯碟好靓, D厨师好专业, cooking station厨师即席烹调既菜式唔会一次过煮好多, 保持新鲜, 赞!
我最初以为咁既级数同格局一定好贵, 估计起码过六百, 但出乎意料之外只系五百几, 时间仲好长, 可以慢慢食, 回完气再食. 以咁超班既质素, 我觉得呢个价钱唔止好合理, 仲好底添.
张贴
