影片
更多
2023-03-04
55 浏览
2月中果排实在太忙，今日终于有时间同另一半补祝返情人节。我哋拣咗康城呢间好有情调嘅西餐厅，叫左个二人set dinner ($328)龙虾汤（加$30, 8.5/10)个汤一上枱已经闻到有好浓郁嘅龙虾香气，汤入面亦有多种香料带出龙虾嘅鲜味。平时饮嘅龙虾汤都系偏向杰身，我反而都几钟意呢个偏稀嘅质地，唔会话好滞是日餐汤：西兰花薯仔忌廉汤 (8.5/10)呢个由薯仔同忌廉blend成嘅餐汤，加埋汤面嘅橄榄油，口感十分幼滑。个汤有好重薯仔味，但饮完又唔会觉得好饱滞，绝对不是普通行货嘅餐汤。而且仲有啲烟肉脆条，令成个汤味道层次更丰富三文鱼沙律 (加$30, 8/10)烟三文鱼无腥味，而且唔会太咸。羽衣甘蓝同埋其他沙律菜都十分新鲜，配上凯撒沙律酱感觉好清新烧烤汁鸡翼 (加$38, 7.5/10)外皮焗得香脆，鸡翼亦几惹味，如果入面更多汁会更好蘑菇黑松露意大利生肉肠酸种薄饼(加$30, 9/10)本身作为面包控嘅我，成餐最期待就系呢个纯手工嘅Sourdough Pizza😍 听店员介绍，呢个Pizza 特别在于采用48小时低温发烤，所以面团比较松软，而且比普通Pizza容易消化。我食落觉得Pizza
2月中果排实在太忙，今日终于有时间同另一半补祝返情人节。我哋拣咗康城呢间好有情调嘅西餐厅，叫左个二人set dinner ($328)
龙虾汤（加$30, 8.5/10)
个汤一上枱已经闻到有好浓郁嘅龙虾香气，汤入面亦有多种香料带出龙虾嘅鲜味。平时饮嘅龙虾汤都系偏向杰身，我反而都几钟意呢个偏稀嘅质地，唔会话好滞
是日餐汤：西兰花薯仔忌廉汤 (8.5/10)
呢个由薯仔同忌廉blend成嘅餐汤，加埋汤面嘅橄榄油，口感十分幼滑。个汤有好重薯仔味，但饮完又唔会觉得好饱滞，绝对不是普通行货嘅餐汤。而且仲有啲烟肉脆条，令成个汤味道层次更丰富
三文鱼沙律 (加$30, 8/10)
烟三文鱼无腥味，而且唔会太咸。羽衣甘蓝同埋其他沙律菜都十分新鲜，配上凯撒沙律酱感觉好清新
烧烤汁鸡翼 (加$38, 7.5/10)
外皮焗得香脆，鸡翼亦几惹味，如果入面更多汁会更好
蘑菇黑松露意大利生肉肠酸种薄饼(加$30, 9/10)
本身作为面包控嘅我，成餐最期待就系呢个纯手工嘅Sourdough Pizza😍 听店员介绍，呢个Pizza 特别在于采用48小时低温发烤，所以面团比较松软，而且比普通Pizza容易消化。我食落觉得Pizza饼皮带焦香，咬落外脆内软之余又有少少烟韧，连平时唔食Pizza 边嘅我都会不自觉食晒成件Pizza。馅料亦非常出色，有意大利肠，蘑菇，大量蘑菇蓉同黑松露酱，菇香充满成个口腔，每一啖都非常满足
油封三文鱼 (加$30, 8/10)
三文鱼入口嫩滑，鱼皮香脆，芦笋鲜甜。刁草油忌廉汁同三文鱼好夹，再加少少柠檬汁亦可以减少油腻嘅感觉
提拉米苏 (加$45, 7/10)
Tiramisu份量比想像中大，口感软滑，有少少咖啡香，不过味道唔算特别有惊喜，另外如果有少少生果伴碟令个卖相靓啲会每成餐饭更圆满
餐酒 (+$58/杯）
红酒：Karl May Pinot Noir 2021 (8/10)
白酒：Karl May Grauburgunder 2021 (8.5/10)
两款餐酒都系嚟自同一个品牌Karl May嘅德国餐酒，都系低干扰制作嘅自然酒，较为天然同环保。红酒带红莓果香，唔会好涩；白酒甜甜地，好易入口
整体我觉得餐厅食物同饮品质素俱佳，环境亦好舒服。另外，估唔到喺商场嘅餐厅入面都有Outdoor 座位，位置阔落舒服，景观好开扬，气氛浪漫，好适合嚟庆祝纪念日或者同另一半静静地饮下酒倾下计。呢间餐厅绝对系性价比高之选，值得一试
💰人均: $350
7 浏览
0 赞好
0 留言
5 浏览
0 赞好
0 留言
9 浏览
0 赞好
0 留言
9 浏览
0 赞好
0 留言
8 浏览
0 赞好
0 留言
12 浏览
0 赞好
0 留言
12 浏览
0 赞好
0 留言
张贴
