沐白小農 (已結業)

素来都钟意食芋圆，又钟意饮珍珠奶茶，自从发现左呢间铺之后，由珍珠转饮芋圆左：芋头芋圆鲜奶右：伯爵茶豆奶加芋圆今次我饮右，朋友饮左。其实我都经常黎饮，所以除左芋头鲜奶都想试其他野，今次就伯爵茶豆奶，vegan都岩饮。重点系芋圆！黎呢到一定要饮芋圆，同珍珠一样烟烟韧韧但又冇珍珠咁难消化。（个人黎讲）有时饮珍珠会劲滞，顶住顶住咁。呢到饮芋圆都会饱，不过就冇咁顶住。不过饮过咁多次之后，最最最好饮都系芋头鲜奶。连朋友本身唔食芋头都觉得好味。系会比其他茶甜少少，因为芋头都带甜。我自己就会叫微糖。芋头同奶真系绝配！！有别于其他珍奶店，呢到有位坐，仲有得叉电！有时约左人又未够钟可以系到饮杯奶坐阵，禁电话都唔怕冇电。