影片
更多
2018-09-19
35 浏览
回家路上揾食中， 见到兴华街表位竟然有位泊， 唔理三七廿一泊咗先。泊完车行去揾餐厅，转角位就见到呢间金满都， 望入去装修都好企理， 有卡位， 有好多张四人枱。今日真系我幸运日， 甘桥星期三 ，有特价小菜， 我哋就拣咗个秘制黑椒猪手煲。原只猪手热辣辣成煲上， 啲黑椒汁不停跳动，香喷喷刺激味蕾， 我最钟意呢种温度， 啲汁唔会一pat pat杰挞挞。朋友话试下呢个香茅烤猪肉生菜包， 起码唔系碎湿湿食到周围系， 35蚊咋，嚟到觉得好惊喜，啲生菜成四五层厚( 出面通常比一两块), 而且喺猪肉下面仲有粉丝托底， 加埋花生同䓤， 十分美味。香草蒜蓉牛油焗青口， 好香蒜蓉味呀， 食到我哋舐舐脷。加埋两杯特饮，爽呀！呢个法式蒜蓉包配咖哩汁， 简直惊为天人， 我够胆讲系我食过最好味嘅蒜蓉包， 内脆外软热辣辣， 理论上唔使点咖哩汁都好好食。最后叫咗越式虾饼汤河， 佢用牛骨汤底 加上香料 ，所以啲汤好鲜甜， 虾饼好足料有虾味。食到顶住个肚俾都系三旧水， 好抵食，下次我要拉大队，疯狂咁叫蒜蓉 包！！！
泊完车行去揾餐厅，转角位就见到呢间金满都， 望入去装修都好企理， 有卡位， 有好多张四人枱。
今日真系我幸运日， 甘桥星期三 ，有特价小菜， 我哋就拣咗个秘制黑椒猪手煲。
原只猪手热辣辣成煲上， 啲黑椒汁不停跳动，香喷喷刺激味蕾， 我最钟意呢种温度， 啲汁唔会一pat pat杰挞挞。
朋友话试下呢个香茅烤猪肉生菜包， 起码唔系碎湿湿食到周围系， 35蚊咋，嚟到觉得好惊喜，啲生菜成四五层厚( 出面通常比一两块), 而且喺猪肉下面仲有粉丝托底， 加埋花生同䓤， 十分美味。
香草蒜蓉牛油焗青口， 好香蒜蓉味呀， 食到我哋舐舐脷。加埋两杯特饮，爽呀！
呢个法式蒜蓉包配咖哩汁， 简直惊为天人， 我够胆讲系我食过最好味嘅蒜蓉包， 内脆外软热辣辣， 理论上唔使点咖哩汁都好好食。
最后叫咗越式虾饼汤河， 佢用牛骨汤底 加上香料 ，所以啲汤好鲜甜， 虾饼好足料有虾味。
食到顶住个肚俾都系三旧水， 好抵食，下次我要拉大队，疯狂咁叫蒜蓉 包！！！
张贴
