梔子

营业中

休息中

朋友约我食生日饭，终于有机会一试文青cafe，依到最低消费每人一杯饮品，环境比想像中宽广，服务很好，不过用餐时间只限90分钟，如果想约朋友详谈可能要另寻觅地方了。《开心果mousse手工蛋糕》依个cake本身个草绿色已经好靓好少女心，饼底好香既牛油饼再加榛子脆脆，中间一大层开心果mousse,入口超顺滑，口感比较好，好似食紧雪糕咁，开心果味够，成个mousse唔会好甜，佢面头再有一层light cream加我最爱既杏仁同开心果碎，增加成个蛋糕口感，令一向唔太好甜品既我都念念不忘，不过呢个蛋糕要下午3:00后先有机会食到，可遇不可求！《朱古力松露蛋糕》呢个朱古力蛋糕好香浓朱古力味，口感都系比较实身，同开心果蛋糕比就冇咁突出，因为系其他地方都会食到类似既。《牛油果奶昔》牛油果系近年健康文化最爱食材之一，加埋奶既配搭成年事好creamy,不过略嫌可以甜多少少。《玫瑰组合》朋友叫嘅玫瑰组合系一杯好靓既花茶，淡淡玫瑰香味，面头加几块花瓣点缀。《水牛城辣鸡翼》水牛城鸡翼同我想像中有出入，佢只系腌辣左既烤鸡翼，唔系传统buffalo wings. 总括来讲我觉得依间野饮品同甜品，比食物更值得试。