金鶴拉麵 (和富道) (已結業)

之前去金鹤食过佢嘅拉面, 水准质素认真唔错！ 佢嘅招牌 蒲烧鳗鱼饭, 好多人试过都赞不绝口, 一直都好想试。疫情期间, 餐厅大部分食物都可以外卖, 而外卖自取仲有85折优惠, 一于买返屋企慢慢叹！蒲烧活鳗鱼饭海鳗鱼 油脂较少厚身, 少骨肉质结实。用蒲烧制作, 外层有火炙烧焦肉香感觉, 干身唔油腻, 外脆内嫩滑, 味道新鲜, 爽口弹牙, 鱼味丰富！唐扬炸赤鸡厚切炸鸡, 外皮香脆, 内里嫩滑肉腍, 一口咬下去有爆汁感觉, 无骨啖啖肉, 大快朵颐！一件份量也很大, 食完已经半饱！日式饺子一份四只, 皮薄馅靓, 外皮香脆可口烟韧, 猪肉馅料软嫩蘸上醋汁, 增加食欲感！