慢煮工業 (已結業)

🤰🏻今日放工去咗花墟买花，之后同老公喺附近食晚饭。之前上网揾到哩间人气餐厅，立即预早book定枱今晚嚟试。餐厅室内装潢带文青工业风，灰色墙身配上木架🪵、木柜同其他以大地色为主嘅装饰，设计十分有品味同格调。我哋特别欣赏哩间餐厅无加一服务费，让人客可以将所有财力放喺食物上。1️⃣ 蟹肉羽衣甘蓝青苹果沙律 🦀🥬🍏🥙 $88蟹肉份量多，好俾货。沙律菜🥗新鲜青甜，加入少少醋汁开胃醒神，健康之选。2️⃣ 甜蕃薯条 🍠 $28$28哩个价钱，无谂到份量会咁大！一大桶热辣辣、香喷喷嘅甜蕃薯条，令人垂涎三尺！甜蕃薯条脆卜卜，香甜可口，真系令人食到停唔到口。3️⃣ 慢煮菲力牛扒配芝士 🐂🧀 $128上网睇先知原来菲力牛扒为腰内肉，瘦肉多，油脂含量低，系牛肉最嫩嘅部位。每只800公斤嘅牛大约只有4公斤系菲力牛肉。咁矜贵，当然要一试！哗！肉质十分软淋同细嫩，最紧要系无筋，一啲嚡口感觉都无，加入少少盐同蒜蓉调味，已经滋味万分，牛扒下面有块好似热香饼嘅芝士，夹埋一齐食，阵阵咸香味慢慢散发出嚟，好食😋！4️⃣ 牛油果三文鱼薄饼 🥑🐟🍕 $98嚟到嘅时候忍唔到「哗」咗一声，份量惊人，长度大约有两只男人手掌✋🏽✋🏽咁长。整块饼底上铺满