甜椰坊自家制甜品專門店 (已結業)

呢间甜品之前喺新蒲岗都有分店，食过一次，一直都记住佢嘅味道，实在太难忘！今日特登返入去大埔，就系想食返𠮶个好好味嘅椰子甜品。今次叫咗《燕窝甜椰》，系热食既椰子甜品。椰汁炖奶嘅表面有好多燕窝，好足料，铺满晒成个炖奶嘅表面。去到个椰皇炖奶度，好重嘅椰子味，食得出佢哋用咗新鲜嘅椰汁。食落都有好重嘅椰香，非常之香滑。每一啖嘅味道都好浓郁，口感好丰富。食完之后，果种椰子嘅香味喺口内好耐好耐都唔会散去添！