影片
更多
2016-07-17
2242 浏览
呢间真系一试难忘本身谂住近，食完饱左可以行返归，比较方便，同埋开左都一段时间，未试过所以试下，喺呢度见178加一，都唔算太贵，可接受范围，起码唔过二字！点知去到先知原来已经加左价，变左188加一，如果18:30后仲要208加一，佢D食物质素真系对唔住个价钱！一黎食刺身，三文鱼算过得去，不过不失，吞拿鱼完全无味，甜虾第一转要六只，六只都有头、第二转开始就变哂无头，仲要之后第三转过份解冻，暖嘅刺身，带子真系不叫也罢！之后到炸野，炸蚝腥臭到变坏左，我举手投诉，佢话炸过畀我，真心唔敢再要，拒绝左！唯一好食嘅炸野，系天妇罗炸虾，好食，弹牙，够热，粉唔太厚！最好笑系佢话自己系皇牌嘅咖哩炒软壳蟹，好地地一只软壳蟹就咁就糟蹋左，又淋又一劈野，就咁炸完畀我咪算啰，做乜要搅咁多野！真正嘅多余，做多左！羊架算系咁多烧物中，最似样嘅一样！炒牛柳都唔错，起码咬得入，吞得到，不过无乜牛味！佢最好食同品质keep得最好嘅野一定系雪糕同汽水！牛奶公司小杯装，好食！罐装汽水好饮！如果非必要，真系咪搅，坐多两个站去观塘，唔贵得几多，但款多食物质素都更好，再唔系返出mk，佐敦，质素都好过佢！顺手一提，佢系小有嘅放题会招待单
本身谂住近，食完饱左可以行返归，比较方便，同埋开左都一段时间，未试过所以试下，喺呢度见178加一，都唔算太贵，可接受范围，起码唔过二字！
点知去到先知原来已经加左价，变左188加一，如果18:30后仲要208加一，佢D食物质素真系对唔住个价钱！
一黎食刺身，三文鱼算过得去，不过不失，吞拿鱼完全无味，甜虾第一转要六只，六只都有头、第二转开始就变哂无头，仲要之后第三转过份解冻，暖嘅刺身，带子真系不叫也罢！
之后到炸野，炸蚝腥臭到变坏左，我举手投诉，佢话炸过畀我，真心唔敢再要，拒绝左！
唯一好食嘅炸野，系天妇罗炸虾，好食，弹牙，够热，粉唔太厚！
最好笑系佢话自己系皇牌嘅咖哩炒软壳蟹，好地地一只软壳蟹就咁就糟蹋左，又淋又一劈野，就咁炸完畀我咪算啰，做乜要搅咁多野！真正嘅多余，做多左！
羊架算系咁多烧物中，最似样嘅一样！
炒牛柳都唔错，起码咬得入，吞得到，不过无乜牛味！
佢最好食同品质keep得最好嘅野一定系雪糕同汽水！牛奶公司小杯装，好食！罐装汽水好饮！
如果非必要，真系咪搅，坐多两个站去观塘，唔贵得几多，但款多食物质素都更好，再唔系返出mk，佐敦，质素都好过佢！
顺手一提，佢系小有嘅放题会招待单人食，
出面多数都要两位起，孤独精可以黎挑战下自己嘅忍耐极限！
谢谢！
张贴