最掂燒味 (已結業)

今次已经系第二次黎呢间餐厅！ 一试难忘系讲对上一次！估唔到简单嘅一间烧味舖都可以令我就系咁深刻嘅印象！唔单止烧味好食，重点系个汤，完全令我爱不释手！明明冇用肉煲，但都好甜好甜价格完全系街坊价。今晚嚟到嘅时候都全场满座，似乎大家都几喜欢呢度。咁佢食物质素都真系几好嘅而且服务态度都好好，灯光几光猛，地方都坐得舒服。今次叫咗个叉烧烧鹅，唔使钱可以转米粉，转濑粉都得，上面加几条菜，感觉再平衡一啲，唔会太多肉。 叉烧肥瘦适中，而且好够味，甜甜地好靓肉！ 烧鹅个皮都几脆，重点系佢呢个酸梅酱真系好好食！完全feel到啖啖梅！ 朋友叫咗个糖心猪手，个汁好入味！睇得出啲猪手应该浸咗好耐！ 猪手唔会太林，继续保持有咬口！ 美中不足嘅系啲毛有少少唔系好清得好干净，不过少少自己咬左都系可以接受嘅，味道够搭救！卤水拼盘有我钟意食嘅卤大肠！其实猪耳豆腐同埋卤蛋都好正！不过我特别钟意d卤大肠好厚身！特别有咬口，而且唔会太林，又唔会太咸！食咗咁多个肉啲叫番个菜既呢个就系令我念念不忘嘅汤啦！有南瓜红萝卜，仲有好多豆！好清甜！ 真系好钟意小店煲的汤， 真材实料就系呢到！两个人食咗150蚊，正常价啦！食到好饱呀