影片
更多
2017-07-15
1837 浏览
我本身好钟意食大阪烧，钟意既程度系会间唔中到一田买唔同类型大阪烧饼粉去整，连去旅行时见到大阪烧饼店都会走入去试，所以当知道香港开道顿堀御好烧专门店时真系开心到弹起，但可惜开张个阵陀紧BB, 好多检查要做，加上好难订位，试过有一次订位时只是打电话问朋友时间啱唔啱，短短5分钟又错失一个大好良机，难免心中会有一个遗憾⋯⋯今日终于机会黎喇，有朋友可以收早一齐去试，梗系试下早D攞筹walk in入啦，我17:15左右已到店外，由于限时90分钟，朋友最早18:00到，我唯有门外呆等先，不过同步都有其他人都同我一样等埋朋友先至入，所以绝不孤单，但亦担心被同行捷足先登，心情竟忐忑又紧张最终大约18:30左右入去，由于入餐厅前一早谂定食咩，所以点餐过程非常顺利，我地两个人点了以下菜式：牛舌：一碟有七块，简单用葱及少少黑椒调味，就咁煎香食略嫌淡味，幸好台面有盐，加盐后味道唔错道顿堀豪华七品：馅料有猪、牛、鸡及海鲜等材料，煮法非常简单，只需将碗内材料搅拌后倒在已搽油的铁板上，每隔5分钟反转一次，合共反转3次，需时15分钟，之后落烧饼酱汁、蛋黄酱、紫菜粉及鲣鱼粉便完成口感味道都好好食蒸杂菜：只需摆铁板上蒸10
今日终于机会黎喇，有朋友可以收早一齐去试，梗系试下早D攞筹walk in入啦，我17:15左右已到店外，由于限时90分钟，朋友最早18:00到，我唯有门外呆等先，不过同步都有其他人都同我一样等埋朋友先至入，所以绝不孤单，但亦担心被同行捷足先登，心情竟忐忑又紧张
最终大约18:30左右入去，由于入餐厅前一早谂定食咩，所以点餐过程非常顺利，我地两个人点了以下菜式：
牛舌：一碟有七块，简单用葱及少少黑椒调味，就咁煎香食略嫌淡味，幸好台面有盐，加盐后味道唔错
牛舌
40 浏览
0 赞好
0 留言
道顿堀豪华七品：
馅料有猪、牛、鸡及海鲜等材料，煮法非常简单，只需将碗内材料搅拌后倒在已搽油的铁板上，每隔5分钟反转一次，合共反转3次，需时15分钟，之后落烧饼酱汁、蛋黄酱、紫菜粉及鲣鱼粉便完成
口感味道都好好食
道顿堀豪华7品
53 浏览
0 赞好
0 留言
蒸杂菜：
只需摆铁板上蒸10分钟便可，不过我觉得略嫌生
蒸杂菜
43 浏览
0 赞好
0 留言
肉类杂锦炒面（酱汁/盐）
我地拣左盐味，因谂住酱汁应该同烧饼味道差唔多
先落油炒熟所有肉类（内有鸡、牛及猪），同步另一边可以炒定所有菜，全部熟晒后炒埋一堆再落面及壶汤，落埋调味酱（即盐汁/炒面汁）完成
由于份量都算多，我地分开两份，每份落唔同酱汁（因炒面酱就放响餐台上），所以同时可试两种味，两种味都好好食，值得推介
肉类杂锦炒面（酱汁/盐）
36 浏览
0 赞好
0 留言
软芝士厚烧班戟：
先倒班戟浆落铁板（不需落油），整左个形后每边煎两分钟，合共反转3次，共6分钟，最后落士多啤梨忌廉酱就可以食，好好食
软芝士厚烧班戟
44 浏览
0 赞好
0 留言
巨峰活乳酸梳打
34 浏览
0 赞好
0 留言
烧酎、鲜西柚、鲜橙、鲜柠檬、梳打水
29 浏览
0 赞好
0 留言
可能我地得两个人既关系，叫左咁多野食，食埋都仲有20分钟剩，其实时间尚算充裕，服务方面都好好，不过由于比较忙关系，侍应送餐讲解煮法时比较快，不过都唔驶太担心，唔明既可以问其他侍应或参考台面指引，所以呢间餐厅又有得大显身手煮野食呃like影相，食物质素及味道又好，值得推介
张贴
