瀧

营业中

休息中

订咗枱咁耐，早几日终于试到泷嘅omakase。叫咗kiwami omakase “极”，有先付、前菜、汤、刺身、天妇罗、合肴、日本牛肉、食事及甜品，总共9道菜。首先嚟嘅先付系松叶蟹配海胆蟹膏昆布啫喱。啖啖肉之余，海胆同蟹膏唔会掩盖大家嘅味道，好清新，好啱做开胃菜。第二道前菜系北海道白粟米、海盐炸银杏、海老酿明太子、蝾螺，先后次序亦由白粟米顺时针开始食。白粟米生食特别甜，银杏配上海盐更可口，海老明太子同蝾螺清新爽甜。第三道菜系鲍鱼清汤配柚子皮，清一清味蕾最适合不过。第四道系刺身，有拖罗、深海、赤龙，可配葱花或生姜或即磨山葵，点少许酱油。第五道天妇罗，有海虾、海老头、目干鱼、日本海鳗及大蚬天妇罗配京都万油葱。天妇罗可配上静冈白萝卜、椒盐及柠檬汁食用。第六道系合肴，有山芋鱼肉茶碗蒸。第七道日本和牛，入口即溶，配以少少盐，更带出牛嘅肉汁。第八道系紫苏叶天妇罗配梅冰梅苏面，清香唔会太酸，齿颊留香。最后甜品，有生炸紫甜薯及蜜瓜晴王。甜薯可配白兰地点糖，连皮食，令人一试难忘！蜜瓜晴王果味浓郁，清甜爽口。