王牌冰室 (九龍貿易中心) (已結業)

今日我同朋友去贸易中心行街经过见到开咗间新冰室，外围招牌很抢眼，非常吸引...为食既我当然要拉埋朋友入去试试喇，我哋揾到个卡位，位与位之间算疏落，令我哋坐得好舒适好舒服。我哋叫总共叫咗三个餐加小食；1）午餐—叉烧虾仁炒滑蛋饭有大大只虾仁，食落好鲜甜，再加上滑蛋食落真系好滑溜，叉烧大而唔韧，饭面头仲有葱花配料，好香好美味，呢个我下次一定要再叫！2）常餐—葱油鸡扒饭饭到已闻到香浓葱油味，鸡扒食落好滑而够味，刀都唔洗切，大大啖食鸡扒好正吖！3）茶餐—炸脾配火腿奄列炸鸡脾香脆可口，好入味，令我食唔停口，真想再食多只，奄列好滑好美味，百食不厌！4）小食—肠粉拼鱼蛋肠粉食落好弹牙，令我想起儿时食过既美味肠粉，加上6粒加喱鱼蛋，辣辣地...愈食愈开胃！5）冻华田唔会太甜，饮咗唔滞！6）冻啡有香浓咖啡味，简直好味到爆！7）红豆冰好新鲜，好好饮，我连红豆都食晒，好似食咗个甜品一样咁完满快乐！