番茄18

营业中

休息中

今日去左荃湾呢间主打食番茄米线既新店。成间餐厅布置好怀旧，有老香港特色，劲多打卡位，座位够宽敞。餐牌选择除左招牌番茄汤之外，仲有麻辣同水煮系列，价钱亦好亲民。花胶鸡汤米线：用上矜贵既花胶，让客人可以平民价钱，品尝到高质食材。大大块花胶加上成只切鸡脾，铺喺米线上面，净系卖相已经非常吸引眼球，花胶无腥味，炆得够腍，有咬口；切鸡脾嫩滑可口。番茄汤底牛乳炒蛋：番茄汤超级香浓，有好多番茄蓉，配上炒蛋简直系绝配，蛋煎到金黄色，蛋香十足又滑溜，捞埋番茄汤一齐食，好食到成碗米线连汤饮晒。招牌瑞士鸡脾：鸡脾好大只，腌得好入味，连D鸡肉都系深啡色，个瑞士汁唔会太甜，带少许肉桂味。香煎猪扒：煎到全熟但又保持到肉质嫩滑，火喉控制得刚刚好。华田脆脆：上枱仲暖暖地，口感香脆可口，充满阿华田风味 。