六合小廚 (已結業)

经过尖沙咀apple 隔离有橦大厦好多人企起楼下，原来有好多间食店，我睇open rice见到六合小厨都几多好评就试一试。见到人地食个蒜蓉虾蒸肠粉好吸引，原来系下午茶2点至6点新推出，$56又唔贵㖞，平时蒜蓉虾多数乌冬，陈村粉或粉丝底，肠粉又真系第一次试。个肠粉好滑但又有咬口，唔会过淋散晒，配埋个海鲜豉油，好夹，蒜蓉都好香好味，食完都唔会好口渴。另外点左个六合牛四宝面，有牛腩、牛根、牛肚、牛肠 $78，都几贵，唔算太大碗，不过六合牛四宝好好食，特别系牛肚，食到里面粉粉地。食面配个郊外油菜最好不过，菜心就煮得淋左少少，但几岩我。见好多人有食秘制蜜椒土豆牛腩粒 $108，我又试下，个秘制蜜汁好正，蜜糖甜甜地，好似烧野食咁，薯仔外脆，里面就起沙，好味。反而牛腩粒就无咁出色，如果系牛仔骨或牛柳粒会仲好味。仲叫左2杯饮㖞，一杯冻柠茶，一杯热柚子蜜。总括呢间六合野食好食，有水准，可惜地理位置关系，就唔系太多人认识噜。