影片
更多
2019-03-23
924 浏览
星期六梗係訓到好晏，成十二點幾先起身，朋友打電話黎話去打邊爐，心諗第一餐就打邊爐，會唔會太過份，但又未試過食溫野菜，決定去試下溫野菜打邊爐做法係一人一鍋我揀左柚子骨膠原湯底，我自己本身就好中意柚子味，加上有骨膠原，美顏！正呀！朋友就揀左鰹魚湯底，甜甜地，我地兩個食落都比較中意鰹魚湯底，似我地平時食既烏冬湯底，至於柚子湯其實柚子味唔係好濃，食落都唔錯！前菜我地叫左一份鹽辛薯仔（伴魷魚沙律醬）本身以為係凍架，原來啲薯仔係熱架，熱辣辣，配上呢個粉粉地顏色既沙律醬，又好好食！呢個沙律醬不得了，同我地平時食開既沙律醬好唔同，好似混左千島醬咁，呢個前菜必食！我下次再黎都一定會點！主菜我地叫一份澳洲M9和牛肩脊肉同一份熊本豚梅肉，每樣都有四片，我地覺得不過不失，反而係個醬汁出色，有一個柚子汁同芝麻醬，隻芝麻醬同平時食開既又有唔同，用黎點肉又好正喎跟住我地叫左一份免治雞肉同黑松露免治豬肉，呢兩樣係平時火鍋店比較少有既，我就比較喜歡免治雞肉，入面有一粒粒軟骨，食落都好好味另外我地先叫左一份生菜，我地以為有好多塊，點知又係得四塊，入面其實係空心🤣，同埋朋友成日講溫野菜既菜好好食，我心諗咪又係菜，點好食法，
溫野菜打邊爐做法係一人一鍋
我揀左柚子骨膠原湯底，我自己本身就好中意柚子味，加上有骨膠原，美顏！正呀！
朋友就揀左鰹魚湯底，甜甜地，我地兩個食落都比較中意鰹魚湯底，似我地平時食既烏冬湯底，至於柚子湯其實柚子味唔係好濃，食落都唔錯！
前菜我地叫左一份鹽辛薯仔（伴魷魚沙律醬）
本身以為係凍架，原來啲薯仔係熱架，熱辣辣，配上呢個粉粉地顏色既沙律醬，又好好食！呢個沙律醬不得了，同我地平時食開既沙律醬好唔同，好似混左千島醬咁，呢個前菜必食！我下次再黎都一定會點！
主菜我地叫一份澳洲M9和牛肩脊肉同一份熊本豚梅肉，每樣都有四片，我地覺得不過不失，反而係個醬汁出色，有一個柚子汁同芝麻醬，隻芝麻醬同平時食開既又有唔同，用黎點肉又好正喎
跟住我地叫左一份免治雞肉同黑松露免治豬肉，呢兩樣係平時火鍋店比較少有既，我就比較喜歡免治雞肉，入面有一粒粒軟骨，食落都好好味
另外我地先叫左一份生菜，我地以為有好多塊，點知又係得四塊，入面其實係空心🤣，同埋朋友成日講溫野菜既菜好好食，我心諗咪又係菜，點好食法，原來菜吸晒湯底既味，再加上菜又真係比時食開既新鮮啲，食落又真係同平時食開既有少少唔同！
我地之後仲追開左一份野菜五盛合，有多幾款菜，價錢唯返其實仲抵過叫一份生菜！
最後我地叫左溫野菜雪糕，其實同牛角雪糕一樣咁好味！
张贴
