海記合桃坊甜品 (已結業)

同朋友喺旺角食完个 early dinner，时间尚早，去咗揾糖水食～一直有帮衬开海记土瓜湾店，对佢嘅糖水绝对有信心又好睇，又好食～我同朋友都俾呢个紫薯芋圆系列吸引住，大家都点咗紫薯蓉芋圆配西米露！可惜冇得拣热食...不出所料，个糖水100分，芋圆好QQ，紫薯蓉同椰奶超夹，大家各自散发佢独特嘅香味，出奇地个糖水唔会好冻（仲要暖暖地嘅添），难怪成间店有一半人都有点呢个紫薯芋圆系列嘅糖水！我已经想再食喇！