心粥館 (已結業)

今日再同阿 Fi 食饭，因为上星期佢肚仔唔舒服，所以今日同佢食得清淡啲！几年前嚟过 D2，当时 D2 仲系刚开业冇耐，至今再嚟，D2 已经多咗好多铺头！我约1点嚟到，等咗大概10分钟就入座喇！我点咗食极唔厌嘅虾子面在配热菊蜜，阿 Fi 就点咗艇仔粥配热水蜜桃汁。因为阿 Fi 上星期病请咗几日假（阴公猪），今日超多嘢做，迟咗放lunch，嘢食到咗一阵先嚟到。我嘅虾子面如一贯嘅好味！我冇记错的话应该云吞水饺各有2粒！个面可能因为浸耐咗，淋咗少少，不过都仲好味嘅！而云吞水饺冇因为浸咗阵影响，依然爽口！而阿fi因为唔系好舒服，净系食咗个粥，啲面冇咩点食过，阴公猪！