金蘭花泰國菜館

营业中

休息中

今日同朋友讲开电话，话好耐无去九龙城食泰国菜，咁啱我地今晚都得闲，就约埋一齐去金兰花食饭。先叫咗泰式柚子沙律，柚子好甜好多汁，加埋菠萝同木瓜丝，好爽口。明炉乌头鱼锅，食泰国菜一定会叫，条鱼肉质好新鲜，而且无泥味，面头铺满咸柠檬同香菜，个炉滚吓滚吓，条鱼就可以保持住热辣辣，真系好好食。黄咖哩羊肉，其实平时多数食牛腩，不过朋友话今晚想食羊，就试吓新口味，羊肉煮得好淋，一D都唔韧，而且又无膻味，D咖哩好香又唔会太辣，薯仔都好绵，好入味。蒜茸法国面包，蒜蓉味劲香，面包好脆，点埋个黄咖哩一齐食，味道一流。马拉盏炒通菜，新鲜热辣，好鬼惹味。甜品叫咗千层糕，烟烟韧韧，仲有D暖暖地，椰汁味好浓。面头仲有一片薄薄地嘅椰青肉，好清新。饮品叫咗鲜椰青，够晒冻，又甜又解渴，饮完一个唔够喉，叫两个就啱啱好。其实，金兰花喺九龙城已经好耐，D味道同服务都 keep 住好好，真系好难得。