客滿庭

营业中

休息中

今晚同屋企人一齐嚟依度食晚饭，我哋一行四人嗌咗几个𩠌，分别系：黑醋番薯咕噜肉、金银蛋时蔬、红烧乳鸽和鱼腩笼仔蒸饭。食物味道同份量都唔错。黑醋番薯咕噜肉一如以往咁好味，番薯同咕噜肉好林，𩠌饭或𩠌酒都一流。金银蛋时蔬维持水准，蔬菜亦好新鲜。叫咗两只红烧乳鸽，一只烧得比较㶶，另一只啱啱好，两只都好多汁。［纯文字讨论］唔记得帮鱼腩笼仔蒸饭影相，鱼腩肥瘦均匀，饭底粒粒干身有咬口。环境方面，啲台放得比较密集，但可接受。服务方面好好，主动走来帮我拉开张凳，比轮椅进入；服务员亦有走嚟寒暄几句，感觉亲切。总括而言，客满亭维持一贯水平，食物同服务keep到水准；周末如果嚟呢度食饭嘅话记得提前订枱，即使提前walk-in亦未必有枱。