發記甜品 (已結業)

食完午餐去对面食甜品，本来想食较细间𠮶间糖水舖，不过长期爆满，佢本身都冇乜位，只好行过隔离发记。其实发记都好出名，细细个跟屋企人去深井食烧鹅啦，都会去发记食甜品。后来要开越多，旺角就好多间分店。不过次次行到嚟食甜品，可能间铺太大啦，成日都觉得冇乜人。所以因为依个原因，一定会有位，唔使担心无位。我叫左佢哋出名嘅杨枝甘露，水准依然，不过食咗太多次吧，都冇乜新意。但系对佢哋嘅新创作又冇乜兴趣，下次试吓佢哋个厕所雪糕啦，都几得意架。再有芒果糯米卷，通常都超甜，不过今次就争啲啦，可能唔系当造啦。不过可能𠮶个时间人流都系少嘅，所以老板都冇安排太多员工，成间铺都系见到一个楼面，整甜品嘅都有几个后生仔，所以可提供嘅服务都有限，例如等好耐先至可以帮你落单啦，想要多只叉都好难。呢个时候有得食甜品都唔错㗎啦，只好自我满足而归。