一起果醬 (已結業)

呢日去咗尖沙咀嘅一起果酱。 薄荷绿色嘅门面，门外仲泊咗架用嚟装饰嘅单车。 仲有个类似吧台嘅位置。 另一边就展示咗佢哋啲自家手工果酱。入面其中一面墙上有JAM字样，另一边就系仿草披墙。个装修都几靓。去到𠮶阵过咗午餐时间，但未到晚餐时间，只可以散叫。呢日想食得健康啲，所以只系拣无肉类嘅食物。大啡菇沙律配玫瑰苹果油醋汁，卖相唔算出众。 玫瑰苹果油醋汁微酸，大啡菇肉厚juicy，入面仲有杂菜同车厘茄，都几清新。黑松露野菌意大利烩饭，相对起来呢个嘅外表就吸引得多。对我嚟讲意大利米煮得软硬度恰好，当中仲有杂菌例如系鸡脾菇、香菇等，另加入洋葱同芝士提味。黑松露够又唔会太呛，食落惹味。 玫瑰苹果茶，总算甜香讨好。水果森林，睇咗佢哋个fxxxbook专页嘅介绍，于是叫嚟试试。侍应将茶壶同茶杯拎嚟时，仲跟埋个沙漏，等上面啲沙全部流到下面（三分钟）就可以饮喇。根据佢哋fxxxbook所讲，呢款茶系用洛神花、青提子干、玫瑰果、橙皮、黑莓叶同几种果干如士多啤梨干、苹果片、菠萝片、芒果片、木瓜片等等冲泡而成。闻落有啲似香薰蜡烛嘅感觉，饮落就酸酸甜甜。 最后仲试埋果酱九宫格多士。烘至微脆松软嘅面包上有九款唔同口味嘅