一起燒火鍋烤肉店 (已結業)

平时就好少去到卓尔商场呢边，主要喺屯门市中心活动多。如果唔系朋友介绍过呢度有间烧烤店几抵食，都未必行过来，其实喺新墟过来都好快好方便。「一起烧」位于商场二楼，位置当眼，相当开扬。店里面刚装修左几个月，所以都好干净企理舒服大部分都系卡位，啱哂二至四人，平日午都有d饭面食，我地今次来食晚饭，两个人都点左好几款食物，总括来说，感觉食物水准合格以上，价钱又平，属回头之选。介绍下我地食左乜，肉类我地点左五款，几款都好好食！而比较推介系牛小排、西班牙黑毛猪！牛小排肉质够腍，细细块可以一口食。又唔会有筋或者渣，70蚊一份有咁嘅质素真系相当唔错西班牙黑毛猪薄身大片，脂肪均匀，烤起来有阵猪嘅甘香，但又唔会觉得好肥腻。其余嘅包括牛肉条、薄切黑豚肉、一起烧牛肉质素都唔差，一定好过啲平价韩烧之流。盐磨八爪鱼、黑松露带子肉虽然份唔会太多，但两个人都非常足够。八爪鱼切成细粒，烤起上来几入味，如果钟意食辣嘅朋友自己加入少少辣粉味道更加正至于带子肉有三粒，面头有好多黑松露，如果钟意松露嘅人一定十分喜欢，味道浓厚，带子唔会太细粒，呢个价钱都唔知边度揾。食韩烧唔少得要包菜食，餐厅都提供埋生菜，等客人可以包肉食，冇咁热气。