影片
更多
2019-10-28
33 浏览
每逢有特别嘅庆祝节日都特别钟意嚟到呢一间飞机主题餐厅庆祝 何谓飞机主题？餐厅入边所有嘅装饰都系以飞机内部作为参考蓝图每一样装饰都好细致同埋实际嘅机舱一模一样因为有预先book位嘅关系，我就预约左坐头等舱嘅座位用餐 所有餐桌餐椅餐具嘅摆设都系依照着飞机餐咁样放嘅 好有特色嘅餐厅我就嗌左一份 First Class Dinner Set ($678)首先一开始嘅时候就上咗两杯Welcome Drink 可以选择白酒红酒或者其他冇酒精嘅饮品 而我就选择咗红酒同埋白酒 为呢一个晚餐开始咗完美嘅序幕✨飞鱼子鲍鱼沙律前菜就率先上咗一份飞鱼子鲍鱼沙律 鲍鱼系非常新鲜嘅上面洒上咗飞鱼子，更添新鲜嘅感觉，食落非常醒胃✨香煎鹅肝多士配无花果鹅肝够晒肥美，香煎令到鹅肝入面嘅油脂都爆晒出嚟 下面块多士吸收晒鹅肝入边嘅精华配合埋无花果我嘅香味配合得天衣无缝✨花胶蟹肉龙虾汤花胶蟹肉龙虾汤一饮就知系真材实料，龙虾汤嘅味道好浓郁，而入面嘅蟹肉同花胶都系非常足料所以成个汤都好有味 鲜味十足✨烧美国牛小排配波士顿龙虾终于嚟到我最期待嘅主菜烧美国牛小排同埋波士顿龙虾 牛小排我点左五成熟 烧得非常香嫩多汁 食落口仲有一针特别
每逢有特别嘅庆祝节日都特别钟意嚟到呢一间飞机主题餐厅庆祝 何谓飞机主题？餐厅入边所有嘅装饰都系以飞机内部作为参考蓝图每一样装饰都好细致同埋实际嘅机舱一模一样
因为有预先book位嘅关系，我就预约左坐头等舱嘅座位用餐 所有餐桌餐椅餐具嘅摆设都系依照着飞机餐咁样放嘅 好有特色嘅餐厅
我就嗌左一份 First Class Dinner Set ($678)
首先一开始嘅时候就上咗两杯Welcome Drink 可以选择白酒红酒或者其他冇酒精嘅饮品 而我就选择咗红酒同埋白酒 为呢一个晚餐开始咗完美嘅序幕
✨飞鱼子鲍鱼沙律
前菜就率先上咗一份飞鱼子鲍鱼沙律 鲍鱼系非常新鲜嘅上面洒上咗飞鱼子，更添新鲜嘅感觉，食落非常醒胃
✨香煎鹅肝多士配无花果
鹅肝够晒肥美，香煎令到鹅肝入面嘅油脂都爆晒出嚟 下面块多士吸收晒鹅肝入边嘅精华配合埋无花果我嘅香味配合得天衣无缝
✨花胶蟹肉龙虾汤
花胶蟹肉龙虾汤一饮就知系真材实料，龙虾汤嘅味道好浓郁，而入面嘅蟹肉同花胶都系非常足料所以成个汤都好有味 鲜味十足
✨烧美国牛小排配波士顿龙虾
终于嚟到我最期待嘅主菜烧美国牛小排同埋波士顿龙虾 牛小排我点左五成熟 烧得非常香嫩多汁 食落口仲有一针特别嘅炭烧香，每一口都系一啖幸福 而美国波士顿龙虾亦到不容忽视，龙虾嘅size大大只，食落去虾肉非常弹牙 ，品尝到蒜蓉嘅香味，龙虾头仲有唔少膏，非常惹味！
✨香煎北海道带子配黑松露意大利饭
呢一份黑松露意大利饭简直系惊喜之作原本以为平平无奇，但系一食落去发觉系极度creamy同埋好重黑松露味道 大家都知道忌廉同黑松露同埋芝士混合埋一齐系几咁邪恶同埋几咁好食，呢一份意大利饭嘅芡汁正正就系用上呢三种邪恶食材所以真系非常好食 北海道带子亦都好大只同煎得好有牛油嘅香味 令人赞不绝口
✨黑朱古力心太软& 法式焦糖炖蛋
最尾甜品有两款，分别就系黑朱古力心太软同埋法式焦糖炖蛋 。呢一份心太软嘅特别之处就系用上黑朱古力来制作，令到甜味唔会太甜而系适中嘅 中间嘅留心程度亦都做得恰到好处，拿捏得好好，可以称得上为满意之作！
而法式焦糖炖蛋简直系将外脆内嫩呢样嘢发挥得淋漓尽致，外层嘅法式焦糖配合上内层嫩滑嘅炖蛋 真系谂起都流晒口水
总括而言我觉得呢一餐真系非常满足嘅一餐饭，与其话系一餐饭，我觉得系一个非常满足嘅一个旅程
张贴
