橫浜水產磯燒+遛Local Bar@Grill & Hot Pot (已結業)

今日同朋友行街，夜晚肚饿咁就梗系揾食咩啦。旺角呢头好多唔同嘅餐厅，不过今日我想食烧肉，但系朋友又想食火锅打边炉。竟然咁岩经过见到呢一间餐厅，又可以烧肉又可以食火锅，咁就一于去试吓啦。原来呢间餐厅系新开嘅，咁我哋就叫左呢个严选美国牛肩肉放题加火锅海鲜套餐。除咗可以落单啊嘢食之外，出面都有好多火锅材料任拎架。哇 呢个海鲜拼盘好大个㖞，而且见到海鲜都大大只，食落仲好新鲜添。呢度既牛肉豚肉同鸡肉都系任叫嘅，每次叫就一碟碟咁上，食几多叫几多，唔怕浪费。值得一赞嘅系，呢度嘅饮品都系任叫嘅。而且佢嘅饮品唔系平时好敷衍嘅普通罐装支装饮品，而系可以叫冻柠茶，或者冰沙。我叫咗两杯唔同味嘅冰沙，而朋友就饮奶昔，两者味道都好好。估唔到主打烧肉嘅餐厅，都会有咁有特色嘅饮品㖞。呢间餐厅好适合一大班朋友嚟gathering，因为可以食自己钟意食嘅嘢。下次有机会一定要带朋友再嚟试吓先。