尚上下夏 - 養生雞煲火鍋 (已結業)

天气冻左当然要打边炉，好多朋友来过都赞好，当然来试一试。 睇一睇餐牌，所有食物价钱比我预期的平，可以点多啲食物。 坐位有点像大排档的架局，但当见到食身物的时候真心好正。我们点了香浓沙嗲汤底，真的十分香浓，水准直迫九龙城好出名果间，但价钱真系抵很多。野生竹笙，超级大块超级厚身，完全吸收晒沙嗲汤嘅精华。饺类拼盘，因为我哋得两个人所以点半份，佢一半分每一种饺都有两件刚刚好，馅料超级饱满，而且新鲜。手打四宝丸，每款各有特色，虾丸墨鱼丸爽口弹牙。原先我哋想叫靓牛皇，点知今日冇，咁就改叫咗首切安格斯，好有牛肉味，厚薄适中。不过令我最震撼嘅就系𠮶个芫荽牛肉卷，一上枱好似成盘花咁样，令我哋两个芫荽爱好者惊喜万分，芫荽同牛肉吸收浓郁嘅沙嗲汤底。食咗好多嘢都系每人三百几蚊，饮品我哋叫咗一尊竹蔗茅根分享，打边炉下下火一流，所有食物都系高水准，职员亦都服务有礼貌，依家餐饭食得好满意好开心。下次会带朋友再来。