影片
更多
2009-03-05
455 浏览
今日系约左旧同事食饭，一行四人~ 原本唔打算入呢间野食，但行行下撞到熟人，佢就话呢间野人地介绍佢去，咁我地都谂住试下无妨~入到去问我地有冇订枱，我都话冇，咁佢就带我地去神枱隔离果张坐~ 一坐低第一句"要咩饮?" 我心谂...问得咁快，唔洗钱嫁?! 最终要左热既竹庶水~ 之后冇耐问叫得未，我地第一次黎，连果餐牌纸都未睇就问叫得未...答佢等一阵先啦，佢2分钟又黎问过...唔洗一坐低就想我地走呀...再过一阵又问...好啦好啦，怕得左佢，叫左豉椒炒青口，炒蚬，白灼鱿鱼/猪肚/海哲，油麦菜~ 好快黎左3碟白灼~ 鱿鱼几好，其他都ok，可接受。再之后上炒蚬....唔好讲笑，我相信有一半蚬系真系有肉，其他只系炒壳...我相信佢会留起一部份蚬壳，洗净再加真系有肉既蚬一齐炒比下一枱，味道一般...再上青口...哗...唔好再少d...之后发现唔对路...咁食法真系要再食果m记先得...所以最后追加左2碗鸭脾河~ 鸭脾河都可接受，不过...成$44碗...唔洗比咁少粉呀?? 而家河粉好贵呀? 最后黎埋果菜就完满结束~!!埋单时睇真d张单都好似唔得咁，在侧边大大叫讲多次我地食左d咩...唔洗咁串呀...
入到去问我地有冇订枱，我都话冇，咁佢就带我地去神枱隔离果张坐~ 一坐低第一句"要咩饮?" 我心谂...问得咁快，唔洗钱嫁?! 最终要左热既竹庶水~ 之后冇耐问叫得未，我地第一次黎，连果餐牌纸都未睇就问叫得未...答佢等一阵先啦，佢2分钟又黎问过...唔洗一坐低就想我地走呀...再过一阵又问...好啦好啦，怕得左佢，叫左豉椒炒青口，炒蚬，白灼鱿鱼/猪肚/海哲，油麦菜~
好快黎左3碟白灼~ 鱿鱼几好，其他都ok，可接受。再之后上炒蚬....唔好讲笑，我相信有一半蚬系真系有肉，其他只系炒壳...我相信佢会留起一部份蚬壳，洗净再加真系有肉既蚬一齐炒比下一枱，味道一般...再上青口...哗...唔好再少d...之后发现唔对路...咁食法真系要再食果m记先得...所以最后追加左2碗鸭脾河~ 鸭脾河都可接受，不过...成$44碗...唔洗比咁少粉呀?? 而家河粉好贵呀? 最后黎埋果菜就完满结束~!!
埋单时睇真d张单都好似唔得咁，在侧边大大叫讲多次我地食左d咩...唔洗咁串呀...而家我地唔比钱呀? 睇真d之吗，犯法咩!!!
总括而言去呢度食要预左比人赶，比人黑面对待，食唔饱，味道普通~ 最后，仲要献上你辛辛苦苦揾返黎既金钱~ 我宁愿山长水远入大澳食啦~ 唔食又唔系会死既~
如果唔想做生客，觉得佢地黎食野系阻住你d地方，就好心收埋楼下果牌啦~
ps 返到屋企立即上openrice search呢间野...原来大家都有同感...
张贴