御苑皇宴 (已結業)

以前试过Mega Box果间御苑皇宴，环境同食物都唔错，今次朋友聚会，选了尖沙咀新开果间，装修好靓，比Mega Box果间仲多左个无敌海景。食物方面，真系好好味！有几味特别值得推介︰土匪羊扒 – 见个名几搅鬼，加上本身好羊，所以一试。个样有D似黑椒鸡扒，食落好香，好特别，仲好有羊味，羊痴必食！上枱无几耐，已经被横扫，差D连相都影唔到！不过，唔记得问下点解叫「土匪羊扒」…有朋友建议食咖哩牛腩。咖哩牛腩周街都有，虽然我好咖哩，但无物期望。点知出乎意料，好浓既咖哩，劲香！跟窝巴食，非常一流！听酒楼D人讲，平日佢地中午有做埋免加一碟头饭生意，呢味咖哩牛腩好受欢迎架！食得多肉，黎个菜。酒楼推介下，点左豆苤，即系豆苗最嫩果部分，真系刁钻。结果真系无介绍错！比一般豆苗更好味！甜品方面，我地点左土豆西米焗布甸，贪佢够特别。平日多数系莲蓉或芋蓉，估唔到土豆都得，而且仲正，又唔会太甜！正！好满足！正如之前Ms Chung食评讲，人、境、食都好好既一餐！一定会再去！