好好茶餐廳 (已結業)

趁天寒地冻，食煲仔饭最好不过，因为天气一回暖的话风味差很远的。一连两晚来这里，因为试完第一晚之后觉得太正，毕竟冷日子香港不太多，赶住encore。第一晚我要最正路的凤爪排骨饭，一流，Ｄ饭够香够干，排骨肉汁渗入饭内非常入味，排骨肉本身亦很鲜味，沿住煲边及煲底的饭焦乃精华所在，有少量太㶶唔敢食，其余停唔到口。另一个系肉饼饭，我试咗少少，饭的水准跟上面一样好，肉饼比豉汁排骨素咗ＤＤ，但加Ｄ煲仔饭豉油得晒。第二晚我要白鳝饭加膶肠，又得，白鳝本身多油，渗晒入饭内，膶肠切开三四份，唔好处是冇咗外脆内软的感觉，好处是Ｄ膶肠落晒入饭内，合理的，煲仔饭饭是主角嘛。饭焦无第一晚咁㶶，亦超好味。另一个系班片排骨饭，试了块班片，比想像中鲜味，饭的水准亦同上，油份当然差Ｄ，但亦一流。两晚都加咗个22蚊炒白菜，很够镬气。